Benjamín Garay: "Confiamos todos en que os resultados van chegar"
Por Diego Espiño
A tempada do Pontevedra Club de Fútbol non empezou como se esperaba, pero desde o plantel confían en darlle a volta á situación xa desde o vindeiro domingo, coa visita do Langreo ao Estadio Municipal de Pasarón.
Así o asegura un dos únicos catro homes que disputou na súa totalidade os dous encontros xogados ata a data, Benjamín Garay, que parece ter gañado a confianza de Yago Iglesias no centro da defensa.
"A nivel persoal estoume a atopar moi ben e a nivel colectivo creo que estamos a facer bos partidos, o único que non se está reflectindo no resultado", asegura o defensor arxentino.
"Creo que nos falta axustar unha cousa pequena arriba e despois minimizar máis se se pode as ocasións que teñen os rivais, pero confiamos no que estamos a facer. Confiamos todos en que os resultados van chegar", defende Garay.
Para conseguir dar ese paso adiante unha das leccións para aprender será a de superar a equipos que expoñen un duelo co Pontevedra á expectativa, sen arriscar e cedendo a iniciativa aos granates. "Creo que o 90% dos equipos da liga van plantexar un partido como o que plantexaron tanto Gimnástica como Valladolid", sinala o central, para o que a partir de agora "Pasarón ten que ser un fortín. No primeiro partido da casa escapáronsenos os primeiros tres puntos e non poden escapar máis, que os equipos non queiran nin vir aquí a xogar".
Será un primeiro paso cara á meta do ascenso, da que non escapa Benjamín Garay, que aos seus 23 anos atopou na Boa Vila un lugar no que está "moi a gusto. Déranme boas referencias tanto da cidade como do Pontevedra como club e a verdade é que non se equivocaron, estou moi feliz aquí", asegura. Por iso espera que esta non sexa a súa única tempada na casa granate. Diso dependerá en boa medida lograr o obxectivo.
Relacionadas:
-
Empate do Pontevedra contra un Cayón que terminou con nove xogadores (1-1)
Por Redacción |
-
O Cayón, un equipo "incómodo e moi intenso a nivel defensivo" que porá as cosas difíciles ao Pontevedra
Por Almu Dapena |
-
Yuri, Charles... e Rufo. Terceiro futbolista que repite 'hat-trick' co Pontevedra no que vai de século
Por Diego Espiño |
-
Festín goleador do Pontevedra á conta do Langreo (6-0)
Por Almu Dapena |
-
Yago Iglesias está "convencido" de que este domingo "imos ver un Pontevedra que vai facer goles e vai conseguir os tres puntos"
Por Almu Dapena |
-
Barbeiro reincorpórase ao grupo, con Chiqui e Borja Domínguez traballando a menor ritmo
Por Diego Espiño |
-
Barbeiro, titular na derrota por 6-0 de Santo Tomé e Príncipe ante Nixeria na clasificación para a Copa de África
Por Diego Espiño |
-
Yago Iglesias: "O Pontevedra fixo moitos méritos para levar os tres puntos"
Por Almu Dapena |
-
Un Pontevedra de máis a menos regala un empate ao Valladolid Promesas (1-1)
Por Almu Dapena |