Agustín Fernández reúne as ANPAS de Pontevedra para escoitar as súas propostas
Por Redacción
"Veño a escoitar máis que falar eu", afirmaba o candidato do PSdeG-PSOE á Alcaldía de Pontevedra, Agustín Fernández, antes de reunirse na Casa das Campás con representantes das asociacións de nais e nais (ANPA) do municipio. Aínda así, adiantoulles o seu compromiso a manter, cando menos, o "mesmo esforzo" no apoio á educación pública que ata agora "e se é posible, incrementalo".
Fernández, que estivo acompañado de membros da súa candidatura, recordou o millón de euros que se investiu nos colexios de Pontevedra no último ano e que foi posible implantar os comedores escolares e o Plan Madruga na práctica totalidade destes.
Neste sentido, destacou a colaboración anual que se asina coa FANPA, uns 250.000 euros anuais, para mellorar a conciliación da vida laboral e familiar dos pais e realizar unha serie de actividades de apoio ás familias; así como a liña de subvencións aberta directa para as diferentes asociacións.
A pesar diso, o candidato socialista lamentou que os cambios legais introducidos polo Goberno na lexislación fai "máis difícil" que o Concello poida acometer obras, xa que pasarán a estar restrinxida "estritamente" a reparación, mantemento e conservación.
Relacionadas:
-
Agustín Fernández acusa á Xunta e á Deputación de non afrontar obras nos colexios públicos de Pontevedra
Por Redacción |
-
A ludoteca de Semana Santa da Fanpa contará con 120 prazas
Por Redacción |
-
Os comedores de Pontevedra estrearán "de xeito inmediato" menús personalizados para escolares con diabete
Por Redacción |
-
O Nadal, época de limpeza en profundidade de todos os comedores escolares do municipio
Por Redacción |