Candidatos na Internet: Miguel Anxo Fernández Lores
Por Manuel Quiroga
Encaramos os últimos días da campaña electoral e, con eles, as análises da presenza na rede dos candidatos ao Concello de Pontevedra. Hoxe tócalle o turno a un veterano: Miguel Anxo Fernández Lores do Bloque Nacionalista Galego.
Enfilando a que pode ser a súa quinta lexislatura, Lores está a facer unha campaña moi persoal na que o partido parece ter pouco ou nada que dicir. Se botamos un vistazo á súa páxina web, está centrada no candidato, sen existir ningunha páxina propia do partido a nivel local. Falando do deseño, pese a que non segue os cánones actuais, hai que recoñecer a Lores que o seu sitio web posúe un deseño agradable e moi ben estructurado. Ademáis, vése correctamente en dispositivos móbiles e en todos os navegadores, algo clave en calqueira páxina actual.
Se observamos o tema da accesibilidade, a páxina web pode andar coa cabeza ben alta. E que aínda que deu mais de 30 erros no test da W3C, non son críticos e non afectan, en principio, aos lectores que utilizan as persoas con discapacidade para acceder aos contidos web.
O contido da páxina web é notable. Dispón dun acceso claro á toda a información que poidamos necesitar: dende o programa electoral, pasando polo ideario e o equipo que terá Lores no caso de sair escollido. Como puntos positivos, destacar a existencia dunha axenda e unhas noticias actuliazadas ademais dunha forma de contacto moi directa.
REDES SOCIAIS
Nas redes sociais, a candidatura de Miguel Anxo ten unha presenza humilde pero efectiva: só dispón de contas adicadas ao candidato, deixando a un lado unhas posibles contas do partido local como teñen outras candidaturas. Como dicimos, só hay tres contas: un usuario de Twitter (@Lorespontevedra), unha páxina de Facebook e unha canle de YouTube.
A páxina de Facebook do alcalde en funcións é correcta. Nela publícanse tódalas actividade que realiza o candidato, acompañadas sempre de textos moi descriptivos e fotos que ilustran perfectamente as actualizacións. Nembargantes, hai pequenos puntos negativos nesta presenza: por un lado, a xa constante repetición de contidos con outras redes, algo que xa dixemos que satura. E na outra parte, non hai interacción co usuario de ningún tipo, nin sequera a modo de contestacións aos comentarios ou as mensaxes que se envían. Isto é algo que é casi obrigado en calquera rede social.
A presenza de Lores en Twitter é similar á que atopamos en Facebook. Mentres os seus contidos son de calidade e o uso da rede é abundante e correcto grazas á utilización de hashtags, retweets e mensaxes moi ben escollidos, a repetición dos contidos e a susodita inexistente interacción cos usuarios son dúas manchas que emborronan o bo facer do Bloque Nacionalista Galego. Unha rede social non é só para publicitarse, tamén está para relacionarse cos teus usuarios (neste caso votantes), algo que parece que olvidaron a maioría dos candidatos ao Concello de Pontevedra.
A canle de YouTube é tamén unha pequena mancha na presenza na rede de Lores e compañía. Pese a estar enlazada dende a páxina da candidatura, a canle só dispón de 4 vídeos. O contido audiovisual é básico para atraer aos usuarios, polo que é raro comprobar como, cos medios que hai na actualiade, a candidatura de Lores deixou de lado unha oportunidade tan grande e sinxela de explicar a súa idea de cidade aos votantes.
En definitiva, a presenza na rede de Lores é boa, xa que pese a ter os erros que mencionamos, conseguiron comunicar as súas ideas con moi pouco. Iso si, para sacar unha mellor nota tería que aumentar a súa presenza, correxir os erros mencionados e, sobre todo, non desaparecer de Twitter o día despois das eleccións como xa pasou hai 4 anos.
Relacionadas:
-
Candidatos na Internet: Pilar Dopazo
Por Manuel Quiroga |
-
Candidatos en Internet: Carlos Maestro
Por Redacción |
-
Candidatos na Internet: Luis Rei
Por Manuel Quiroga |
-
Candidatos na Internet: Jacobo Moreira
Por Manuel Quiroga |
-
Candidatos na Internet: María Rey
Por Manuel Quiroga |
-
Candidatos na Internet: Agustín Fernández
Por Manuel Quiroga |
-
Candidatos na Internet: María Biempica
Por Manuel Quiroga |