Ciudadanos avoga por impulsar a redacción "urxente" dun novo PXOM para Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Para Ciudadanos, é necesario un novo PXOM en Pontevedra. Principalmente, segundo a súa candidata á Alcaldía, María Rey, porque o municipio "necesita máis solo industrial e máis espazo para estacionamento no límite exterior da zona urbana".
De aí que avanzase que impulsarán a redacción dun novo plan de ordenación se acceden á próxima corporación municipal.
A candidata de Ciudadanos recalca que "debido á climatoloxía especial que temos durante o ano en Pontevedra" é necesario un centro lúdico dentro da zona urbana que complemente a oferta de ocio da cidade.
Ademais, María Rey insistiu na necesidade de fomentar a creación e potenciación dunha rede de carrís bici en Pontevedra.
Dentro destas cuestións de plan e mobilidade, Ciudadanos asegura que apostarán tamén por adecuar os "lombos" á legalidade vixente e substituílos por outros medios para calmar do tráfico.