Agustín Fernández asegura que se Pontevedra ten alcalde socialista, "no prazo dun ano, disporá dun novo PXOM"
Por Oskar Viéitez & Mónica Patxot
O candidato do Partido Socialista a Alcaldía de Pontevedra, Agustín Fernández, convocou este venres unha comparecencia na glorieta de Concepción Arenal para denunciar as "improvisacións" na planificación do tráfico urbano, "consecuencia dunha xestión á marxe do Plan Xeral e calquera intento de planificación".
Tino Fernández sinalou "unha rotonda que non é rotonda, que está cortada en dous puntos, e que está a carón dunha rúa (Alfonso XIII) sinalizada ao revés, que non pode ser utilizada polos autobuses, a pesar de que contén unha parada", explicou o candidato como exemplo das súas críticas.
O alcaldable do PSOE apostillou que estas carencias son máis visibles no rural, "onde hai núcleos saturados e onde non se pode construír".
Para os socialistas todos estes son exemplos da "urxente necesidade" dun novo Plan Xeral, xunto coa "carencia de planificación nos sistemas xerais de comunicación, solo industrial e comercial para ofrecer oportunidades ás empresas cando remate a crise económica".
Por todo elo anticipou que se Pontevedra ten alcalde socialista, "no prazo dun ano, disporá dun novo PXOM".
Relacionadas:
-
Marea buscará que o Pleno force o BNG a retomar a redacción do PXOM
Por Redacción | Creada e actualizada
-
'Mini-mitin' do PSdeG-PSOE na Oliva para falar "cara a cara" cos pontevedreses
Por Redacción |
-
O socialista Tino Fernández acode a Xuntos para presentar as súas políticas sociais
Por Cristina Saiz & Oskar Viéitez |
-
Agustín Fernández promete 'mimar' á hostalería, un piar "importante" do turismo na cidade
Por Alejandro Espiño |