María Rey pídelle ao PP "que deje el pico y coja la pala" para que Monte Porreiro non quede sen pediatra
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
O barrio de Monte Porreiro e as súas propostas para mellorar a calidade de vida dos seus veciños foi o centro da rolda de prensa convocada este martes por Cidadáns Pontevedra.
Nela María Rey, número dous da candidatura laranxa, pediu ao Partido Popular en xeral e ao seu candidato local en particular, Rafa Domínguez, que "deje el pico y coja la pala para ayudar a los vecinos de Monte Porreiro que se van a quedar sin pediatra", explicou.
Refírese a edil á xubilación do actual facultativo sen que o Sergas anunciase ata a data a convocatoria para cubrir a súa praza. "Es el primer paso para quitar los dos médicos que quedan y cerrar el centro", asegurou Rey.
En canto ao resto de propostas para o barrio, Cidadáns defende a instalación dunha oficina municipal en Monte Porreiro, que se habilite un bono-bus gratuíto para estudantes, parados e xubilados, a apertura dunha sede dunha oficina permanente da Policía Local ou a negociación con entidades bancarias para lograr a apertura dunha oficina de atención ao público.
Por outra banda María Rey citou a necesidade de acometer unha modernización dos parques infantís na zona, así como de revisar o saneamento e a iluminación pública.