A comedia 5 y Acción logrou que se enchese este domingo 7 o aforamento do Pazo da Cultura nun espectáculo que forma parte do ciclo Summum Teatro.
O público divertiuse con esta divertida proposta teatral formada por un elenco de coñecidos actores, a maioría populares a través da pequena pantalla. Carlos Sobera encabeza o reparto acompañado polo galego Javier Veiga, Marta Hazas, Ana Rayo e Marta Belenguer.
5 y Acción é unha comedia de enredo sobre unha presentadora do tempo, amante do presidente dunha cadea de televisión, que busca ser actriz. Entre o público asistente atopábase o alcalde de Pontevedra, Miguel Anxo Fernández Lores e a concelleira de Cultura, Carmen Fouces.
A próxima función dentro do ciclo Summum Teatro será o próximo 27 de maio coa obra El Intercambio, ás 21.00 horas no Pazo da Cultura, con Teté Delgado e Gabino Diego. Trátase doutra comedia sobre o intercambio de parellas.
O ciclo pecharase o 3 de xuño con El Padre, cun reparto no que destaca o veterano actor Héctor Alterio.
As entradas poden adquirirse en venda anticipada a través de Ataquilla.