Volve a actividade A Cova dos Libros Fantásticos.
Este espazo do Pazo da Cultura de Pontevedra, que reúne máis de 4.000 libros do fondo que posúe o Salón do Libro Infantil e Xuvenil, anuncia a súa reapertura despois dos meses de verán.
En concreto a primeira xornada na que se poderá visitar será este sábado 4 de outubro.
Contará ademais coa visita da popular mascota Orbil, dando a benvida aos nilñas e nenas presentes.
Até finais do mes de decembro A Cova dos Libros Fantásticos permanecerá aberta os martes de 17.00 a 20.00 e os sábados de 11.00 a 13.00 horas.
Será así salvo días puntuais como os festivos do 1 de novembro e do 6 de decembro, nos que estará pechada.
Ademais a organización avanza que contará con programación especial relacionada co Samaín, o magosto, o Día da Música ou o Nadal.
O acceso a esta particular biblioteca é de balde, sendo necesario formalizar carné de socio para poder acceder ao préstamo de libros.