Tras o título "Mundos Imposibles: Escritura Fantástica e Ciencia Ficción desde Wells ata os Strugatski", o centro asociado da UNED en Pontevedra pon en marcha un programa formativo que se desenvolverá entre o 17 de xaneiro e o 23 de maio de 2026.
Esta actividade, que ofrece 51 horas lectivas e a posibilidade de obter 2 créditos ECTS, non se limita á teoría.
O obxectivo é proporcionar ferramentas prácticas de narrativa para que os participantes desenvolvan as súas propias competencias na creación de relatos. Para iso, o curso contará coa mestría de Víctor Hugo Pérez Gallo, escritor e doutor en Sociología experto en escritura creativa.
O programa propón un percorrido exhaustivo polas tradicións estéticas do xénero, analizando desde as bases postas por Mary Shelley ou H.G. Wells, ata as visións máis singulares da ciencia ficción europea do Leste, con especial atención aos autores soviéticos, búlgaros e romaneses.
Ao longo das sesións, o alumnado profundará en conceptos crave como o Worldbuilding, técnica de construción de mundos; narrativa e estilo analizando o uso do humor e a ironía na ficción especulativa; e temáticas sociais onde se verán distopías, utopías e a relación entre identidade e tecnoloxía.
Dirixido pola profesora Mercedes Quero Gervilla e coordinado por Rafael Cotelo Pazos, o curso está deseñado para adaptarse a calquera perfil, desde estudantes de humanidades e profesionais da cultura ata escritores en formación.
Aínda que o Centro Asociado de Pontevedra en Monte Porreiro será a sede presencial, o curso poderá seguirse integramente de forma online, tanto en directo como en diferido.