Non estaba Diego Vasallo, baixa durante toda a xira do grupo por problemas de costas, pero baixo a dirección de Mikel Erentxun, Duncan Dhu protagonizou o segundo concerto das Festas da Peregrina.
A chuvia aliouse co grupo vasco e ofreceu unha tregua para deleite dos moitos pontevedreses que se achegaron á Praza de España para gozar do espectáculo.
Duncan Dhu presentou na cidade de Lérez o seu último disco de estudo, El Duelo, primeiro tras unha década de periplo en solitario dos seus integrantes, pero sobre todo dedicouse a repasar os temas máis coñecidos dos seus máis de 20 anos de carreira musical.
Este luns a quenda no escenario da Praza de España será para os cataláns Love of Lesbian, a partir das 22:30 horas.