King África pon música á Noite Pirata do Entroido pontevedrés

A Noite Pirata, unha das citas clásicas do Entroido pontevedrés, contou este ano cun protagonista singular: o cantante arxentino King África.

O 'álter-ego' artístico de Alan Duffy, que xa actuou hai uns meses en Pontevedra, dentro do festival Surfing the Lérez, volveu a interpretar os seus grandes éxitos na cidade.

Así, temas como La bomba ou Salta, que o artista popularizou a principios dos anos 2000, soaron na Praza de España, o lugar ao que o Concello trasladou gran parte desta festa.

Un cambio, obrigado polo pequena que se quedou a Praza da Ferrería durante esta celebración 'pirata', resultou ser todo un éxito.

Miles de persoas asistiron á cita para asistir á representación da batalla pirata e, a continuación, gozar coa música de King África.

"Viva Pontevedra e viva a nai que os pariu", afirmou o artista ao iniciar a súa actuación na Boa Vila.

Foi cun concerto que arrancou con outro dos seus temas máis populares, a súa particular versión dun clásico da música española, Paquito el chocolatero. 

A actuación de King África foi o colofón dunha xornada na que tamén os máis pequenos da casa tiveron as súas propias actividades coa festa infantil que se celebrou na Praza da Ferrería.