Unha das obras máis coñecidas e atemporales de Óscar Wilde, O abanico de lady Windermere, chegará a Pontevedra reconvertida en Windermere Club. Trátase dunha versión teatral protagonizada polos actores Natalia Millán, Teresa Hurtado e Javier Martín, entre outros. Representarase o próximo 13 de novembro ás 20.30 horas no auditorio de Afundación, situado na rúa Augusto González Besada.
Windermere Club xira ao redor da historia da señora Windermere, unha muller que descobre que o seu marido mantén unha relación con outra persoa e decide enfrontarse a el, pero o marido nega as acusacións e convida á súa amante ao seu baile de aniversario.
Así, humillada pola infidelidade do seu esposo, a señora Windermere decide abandonalo para seguir a outro home, un amigo que acaba de confesarlle o seu amor. Tras descubrir o sucedido, a amante do señor Windermere trata de convencela para que volva co seu marido e chega mesmo a sacrificar a súa reputación para salvar o matrimonio Windermere.
Unha historia que trata sobre o medo á difamación e a importancia da imaxe que o resto da sociedade pode ter de nós, un tema que segue de plena actualidade a día de hoxe, máis dun século despois da súa estrea.
As entradas, que teñen un prezo de 19 euros, están á venda en www.ataquilla.com.
Engade Pontevedra Viva como fonte preferida de Google de balde
Mantente informado coas últimas noticias de actualidade.