Haberá un cameo de Manuel Jabois en "A estación violenta"? Unha dúbida que queda nestas Conversas na Ferrería de PontevedraViva Radio despois de que a actriz Nerea Barros (Goya á Actriz Revelación en 2014 por "La isla mínima") e a directora, Anxos Fazáns, manifestasen ese desexo.
Ultiman esta semana a rodaxe da película baseada na novela xuvenil do xornalista pontevedrés, así que se o aludido está interesado, o tempo aprema a contrarreloxo.
Matriuska apostou por levar ao cinema este traballo de mocidade do xornalista sanxenxino. Unha novísima marinense, Anxos Fazáns, é a directora da longametraxe rodada en Súper-16 mm. Tres actores galegos coprotagonizan a película: Nerea Barros, actriz revelación en 2014 con "La isla mínima"; xunto a Xosé Barato e Alberto Rolán, rostros coñecidos no teatro e televisión de Galicia.
Nerea e Anxos cóntannos anécdotas destes días de rodaxe en Pontevedra, O Grove ou Santiago. Como chegou este proxecto a cada unha delas, ademais de traballos futuros e estreas pendentes.