Un ano máis, a gastronomía volverá marcar a identidade do festival PortAmérica, que celebrará a súa próxima edición entre os días 9 e 11 de xullo na Azucreira de Portas.
Será co ShowRocking, a proposta culinaria capitaneada polo pontevedrés Pepe Solla, que reunirá nesta ocasión trinta e sete chefs nos seus tres días.
Os participantes, chegados de ambas as beiras do Atlántico, suman 22 estrelas Michelin e combinarán alta cociña, produto, territorio, sustentabilidade e novas miradas culinarias.
Durante tres días cociñarán ante o público, reinterpretarán o produto e compartirán unha maneira de entender a cociña ligada ao territorio e á creatividade.
Aos nomes xa anunciados, entre eles Francis Paniego, Paco Roncero ou Andoni Luís Aduriz, súmanse novas incorporacións para completar esta oferta gastronómica.
Destaca a presenza de Paula Gutiérrez , recentemente elixida Cociñeira do Ano 2026, á fronte de Tayta, en Salamanca; Rubén Hernández Mosquero, responsable de EMi, en Madrid; ou Paco Torreblanca, referente da pastelaría contemporánea desde Elda.
A eles sumaranse Andrés Torreiro, de D'Obra, en Melide; Antonio Novas, de Trasmallo, en Pontevedra; Miguel González, desde Ourense; Patricia Uceda e Marcos Rodríguez, de Enxebre, en Vigo; ou María Peón e Ismael Agra, de Dleite, en Pontevedra.
Ademais, o cartel do ShowRocking complétase con João Rodrigues, de Canalha, en Lisboa; Branca Martínez e Javier Vega, de Memoria Gustativa, en Valencia; e Jhon Zárate, de Sambombi; e María Adelaida Moreno, de La Provincia, ambos en Medellín.
A distribución por días quedou da seguinte maneira:
Xoves 9 de xullo
- Antonio Arrabal - Better Balance / La Jamada, Burgos
- Dani Carnero - Kaleja, Málaga (1 estrella Michelin)
- Eduard Xatruch - Disfrutar, Barcelona (3 estrellas Michelin)
- Francis Paniego - El Portal de Echaurren, Ezcaray (2 estrellas Michelin)
- Iván Cerdeño - Iván Cerdeño, Cigarral del Ángel (2 estrellas Michelin)
- Maca de Castro - Maca de Castro, Alcúdia (1 estrella Michelin)
- Paco Roncero - Paco Roncero, Madrid (2 estrellas Michelin)
- Paula Gutiérrez - Tayta, Salamanca (1 estrella Michelin)
- Rubén Hernández Mosquero - EMi, Madrid (1 estrella Michelin)
- Viviana Varese - Passalacqua, Lago di Como
- Pastelería: Paco Torreblanca - Torreblanca, Elda, Alacante
Venres 10 de xullo
- Alberto Lareo - Maina, Santiago de Compostela
- Andoni Luis Aduriz - Mugaritz, Errenteria (2 estrellas Michelin)
- Andrés Torreiro - D’Obra, Melide
- Antonio Novas - Trasmallo, Pontevedra
- Camila Ferraro - Sobretablas, Sevilla
- Iria Espinosa y Luis Veira - Árbore da Veira, A Coruña (1 estrella Michelin)
- Iván Domínguez - NaDo, A Coruña
- João Rodrigues - Canalha, Lisboa
- Lucía Grávalos - Desborre, Madrid
- Ricard Camarena - Ricard Camarena, Valencia (2 estrellas Michelin)
- Pastelería: Antonio Bachour - Bachour, Miami
Sábado 11 de xullo
- Antonio Arrabal - Better Balance / La Jamada, Burgos
- Blanca Martínez y Javier Vega - Memoria Gustativa, Valencia
- Fabián Delgado - Palreal, Guadalajara, México
- Héctor López - Restaurante España, Lugo
- Jhon Zárate - Sambombi, Medellín
- María Adelaida Moreno - La Provincia, Medellín
- Miguel González - Miguel González, Ourense (1 estrella Michelín)
- Óscar Vidal - Asador O’Pazo, Padrón (1 estrella Michelin)
- Patricia Uceda y Marcos Rodríguez - Enxebre, Vigo
- Yayo Daporta - Yayo Daporta, Cambados (1 estrella Michelin)
- Pastelería: María Peón e Ismael Agra - Dleite, Pontevedra
PortAmérica pecha así unha das programacións gastronómicas máis amplas do ShowRocking, reunindo nun mesmo espazo a grandes nomes da cociña, referentes da pastelaría e propostas vinculadas ao produto e á identidade local.