A diversión familiar cos espectáculos escénicos do Festival das Cóxegas despídese ata a súa próxima edición despois de catro xornadas.
O Pazo da Cultura acolleu este domingo a última representación do ciclo, coa premiada Amour, de Marie de Jongh-Tartean Teatro e Teatro Arriaga.
O público asistente puido gozar dunha obra de teatro moi xestual que busca a liberación dos prexuízos sociais convidando a reflexionar sobre a delgada liña que existe entre a desafección e o amor incondicional.
Amour recibiu nos últimos meses premios como o FETEN ao mellor espectáculo, sendo unha montaxe recomendada pola Rede Española de Teatros.