As mensaxes de ánimo en forma de vídeos musicais é a fórmula á que se sumou tamén a Banda de Música de Cerdedo. Desde o Concello agradécese esta achega para insuflar positividade aos veciños de Cerdedo - Cotobade e que se suma a outros traballos, mensaxes, publicacións ou vídeos que realizaron outros particulares e colectivos como Os Trazantes, a Banda de Tenorio, Foula, ou o claustro do CEIP de Tenorio.
Neste caso o traballo audiovisual mestura imaxes das súas actuacións na Praza da Iglesia, o Centro Cultural, ou a última cea celebrada o día da súa patroa Santa Cecilia. Para reforzar a necesidade de protexer e protexerse ante o COVID19 engádese o hagstag #QuedaNaCasa.
O vídeo completo da Banda de Música de Cerdedo pode verse nas súas páxinas oficiais, así como nas redes sociais. Centos de usuarios xa tiveron ocasión de visionarlo e deixar os seus positivos comentarios.