Agora si, xa están todos. O festival Río Verbena aínda gardaba unha última sorpresa. Xoel López porá a guinda ao cartel da súa quinta edición.
O artista coruñés, en plena xira de presentación do seu novo disco, Oniria popular, non perderá o festival pontevedrés, que se celebrará os días 21 e 22 de agosto.
Con máis de tres décadas de traxectoria, Xoel López construíu unha sólida carreira na que o pop e o rock fóronse abrindo a novas influencias, especialmente aos sons da música latinoamericana.
A súa incorporación completa unha programación formada por 18 artistas e reforza a presenza da escena galega no cartel.
Durante as dúas xornadas convivirán o pop e o rock independente de bandas consolidadas coa canción de autor, o rock alternativo, o post-rock, as propostas emerxentes e as sesións de música electrónica que pecharán cada noite.
Love of Lesbian, Siloé, La La Love You, Carlos Ares, Sidonie, León Benavente e Sanguijuelas del Guadiana encabezan, xunto a Xoel López, o cartel deste Río Verbena.
Xunto aos principais nomes do cartel, o festival contará con artistas como Yoli Saa, Luís Fercán, Sarria, Cora, Los Acebos, Müntrails, Apolo 18 e French Riviera, ademais das sesións de Señora DJ e Sergio El Indio DJ.
HORARIOS DO RÍO VERBENA 2026
O festival deu a coñecer tamén os horarios completos das dúas xornadas. As actuacións alternaranse entre os escenarios Xacobeo e La Gramola.
A apertura de portas será ás 18:00 horas o venres e ás 17:45 horas o sábado.
Venres 21 de agosto
- 18:30 horas: Apolo 18
- 19:00 horas: Cora
- 19:45 horas: Müntrails
- 20:30 horas: Sidonie
- 21:30 horas: Luís Fercán
- 22:30 horas: Siloé
- 23:45 horas: Sarria
- 00:45 horas: La La Love You
- 02:00 horas: Señora DJ
Sábado 22 de agosto
- 18:15 horas: French Riviera
- 19:00 horas: Yoli Saa
- 20:00 horas: Los Acebos
- 20:45 horas: Carlos Ares
- 21:45 horas: Sanguijuelas do Guadiana
- 22:45 horas: Love of Lesbian
- 00:15 horas: León Benavente
- 01:15 horas: Xoel López
- 02:15 horas: Sergio El Indio DJ
Os abonos e entradas diarias para o festival seguen á venda en rioverbena.com.
Engade Pontevedra Viva como fonte preferida de Google de balde
Mantente informado coas últimas noticias de actualidade.