Galicia tivo un notable papel no Campionato Galego de Novas Promesas de Piragüismo celebrado en Palma de Mallorca, onde levou o título por autonomías grazas en parte ao papel dos piragüistas pontevedreses.
Aínda que os clubs da comarca acudiron con menos padexeiros do habitual polo complexo e custoso do desprazamento, a EP Ciudad de Pontevedra coouse no segundo lugar do medalleiro final, sendo sexto na clasificación por equipos con 1.500 puntos, polos 1.928 do campión o Piragüismo Aranjuez.
Polo club pontevedrés subiron ao podio en catro ocasiones, con dous ouros e dúas pratas. Os primeiros postos foron para Antía Otero no C-1 cadete B, con Ángela Jorge en segunda posición, e Alejandra Manso ao facerse co título nacional de kaiak en idade cadete. Ana Costas pola súa banda levou a medalla de prata no kaiak infantil.
En Palma de Mallorca tamén pisaron o caixón de honra Ángel Fuego (Piragüismo Poio) cun bronce no C-1 cadete, do mesmo xeito que Valeria Oliveira (Breogán) na canoa infantil e Carmen Devesa (Breogán) no kaiak tamén infantil.
O Campionato de España de Novas Promesas disputouse no Lago Esperanza de Alcudia coa presenza de máis de 700 deportistas de todo o país.