Volveu en 2022 a Pontevedra tras dous anos de ausencia pola pandemia, e seguirá como unha cita descatada no calendario deportivo municipal en 2023.
A Gladiator Race confirmou a que será a súa oitava edición na cidade.
A popular carreira de obstáculos que se celebra na Illa das Esculturas fixou a súa nova edición para o día 3 de xuño de 2023.
"Toca conquistar novamente A Illa das Esculturas", sinalan a través dos seus perfís oficiais avanzando que nuns días abrirán inscricións.
Na súa última edición na Boa Vila a Gladiator Race reuniu máis de 1.300 deportistas entre as súas diferentes opcións de percorrido, coa súa versión 'Rocket' (6 quilómetros e 31 obstáculos), Warrior (11 quilómetros e 41 obstáculos) e Kids para os menores de idade.