Menos de 24 horas despois de ver como quedaba fóra da lista de convocadas para a Eurocopa, Tere Abelleira viu como a situación daba un xiro de 180 graos. A centrocampista do Real Madrid estará finalmente no compeonato continental. O seleccionador Jorge Vilda chamouna para substituír á lesionada Salma Paralluelo.
Esta mañá de mércores, a Federación confirmaba a lesión da atacante do Vilarreal. Paralluelo entrara na lista, pero o seu estado físico non era o óptimo, pois arrastraba unha lesión no xemelgo que ao final lle privará de participar na Eurocopa.
OFICIAL I Teresa Abelleira entra en la lista de la Selección Femenina para la Eurocopa.
— Selección Española Femenina de Fútbol (@SeFutbolFem) June 29, 2022
Más información: https://t.co/SFeIlD7IXq#JugarLucharYGanar I #WEURO2022 pic.twitter.com/JtvU0aNInF
Aínda que a súa posición no campo é diferente, o seleccionador estimou oportuno repescar á mediocentro pontevedresa, que se unirá á delegación esta mesma tarde para viaxar a Italia. No país transaplino, a Roja xogará o venres o seu último partido de preparación para desprazarse logo a Inglaterra e debutar o 8 de xullo contra Finlandia.
A propia Abelleira asumira xa a súa ausencia na cita de seleccións máis importante de Europa. De feito, a través das súas redes sociais recoñeceu "a sorte" que tivo por poder formar parte da primeira convocatoria e desexou o mellor ás súas compañeiras. "Que o camiño sexa moi longo", convidaba a pontevedresa a soñar. Un soño do que agora formará parte.
Os desearía suerte pero no la necesitareis, suerte la mía de haber pasado estas semanas con vosotras.
— Teresa Abelleira (@teresabelleira) June 27, 2022
¡ Disfrutar y toda España lo hará con vosotras ! Que el camino sea muuuy largo , todo lo mejor. pic.twitter.com/dCnFhB0ZBN