Conta cun cartel de luxo e todo os ingredientes para ofrecer unha animada fin de semana de competición en augas de Ríaa de Pontevedra, pero a climatoloxía ameaza con deslucila.
En Sanxenxo todo está preparado para a sétima edición da Regata El Cortes Inglés Master, agora Rei Juan Carlos I, que contará con medio milleiro de regatistas das clases ORC 0, 1, 2, 3, Especial e Clásicos.
Con todo as borrascas que entrarán por Galicia preocupan, e moito, aos participantes: "Parece que mañá non haberá moito vento, o sábado podería soprar do Norte con posibilidades de que entre néboa e o domingo apunta a que vai poñerse duro", explica o capitán do movistar, Eduardo Marín.
No campo de regatas, situado fronte á praia da Lanzada, disputaranse dúas mangas diarias (venres, sábado e domingo) se o tempo o permite, coa presenza de medallistas olímpicos como Iker Martínez, Xabi Fernández ou Támara Echegoyen.
Tamén navegará en Sanxenxo o monarca que dá nome á regata, Juan Carlos I, que será patrón do Acacia, un barco do ano 1929.