O Pavillón Municipal dos Deportes será escenario este martes 4 de xaneiro do tradicional torneo do Nadal do Club Cisne Balonmán, o Memorial Manuel Luaces.
Nesta ocasión o seu rival será a SAR de Redondela, cunha xornada que contará con ata catro encontros amigables en diferentes categorías.
Abrirán fogo ás 16.30 horas da tarde os equipos infantís de ambos os dous clubs, seguindo ás 17.45 os de categoría alevín e ás 18.30 horas os de idade benxamín.
Xa ás 20.00 e para pechar chegará o prato forte co encontro de categoría absoluta, na que será a primeira pedra de toque para os pontevedreses tras as vacacións de nadal co obxectivo de preparar o regreso á competición da División de Honra Prata.
No seu caso este primeiro partido de liga de 2022 producirase o vindeiro sábado 15 de xaneiro visitando a cancha do Villa de Aranda, penúltimo clasificado con 8 puntos.