Paso a paso e tras moitos quilómetros ao longo do globo, Adrián Esperón e Patricia Martínez seguen crecendo como parella de baile deportivo situándose no Top-10 mundial nunha das súas modalides predilectas, os 10 Bailes.
A parella pontevedrsa colocouse na sexta posición do ránking mundial nesta disciplina tras os seus últimos resultados en competicións internacionais, como o Open Internacional de Baile Deportivo celebrado en París durante a fin de semana.
Nas últimas datas Patricia e Adrián encadearon un intenso programa de competicións, que lles levou a estar hai uns días en Polonia para disputar o Campionato de Europa e agora en París.
Agora, tras un paso por Italia para adestrar dirixiranse a unha das probas máis prestixiosas do planeta, o Grand Slam de Hong Kong.