A Sociedad Gimnástica xa coñece o lugar do seu debut esta tempada na División de Honra Atletismo.
O equipo masculino do club pontevedrés, que afronta a súa décima tempada na máxima categoría nacional, disputará a primeira xornada da competición en Alcobendas.
Así o comunicou a Real Federación Española de Atletismo. Alí enfrontarase aos rivais xa coñecidos: AD Marathon, Unicaja de Jaén e Vino Toro de Zamora.
O encontro disputarase o sábado 30 de abril. Unha semana antes a Gimnástica acudirá á primeira gran competición de clubs da tempada, o Campionato de Galicia en Lugo, no que poñerá a punto o equipo que loitará pola permanencia un ano máis na División de Honra.