O primeiro proxecto do Club Cisne Balonmán na Liga Asobal segue tomando aos poucos forma coa renovacións dos xogadores que lograron o histórico ascenso de categoría.
O último polo momento en responder afirmativamente á proposta de continuidade do club foi Alejandro Conde, que se converte no sétimo home confirmado para a próxima campaña.
Coa súa continuidade o técnico Jabato asegúrase outra das pezas dentro do seu esquema defensivo.
O pivote vigués vivirá así a súa quinta campaña no Cisne "ademais nunha tempada tan especial como esta que imos xogar en Asobal, que é o soño de moitos", explicou tras confirmarse a súa renovación
RENOVACIÓN | Nueva renovación en las filas del Cisne. Alejandro Conde @AConde_ también jugará con nosotros en Asobal ¡Grande Alex! #SomosCisne #SomosAsobal pic.twitter.com/J1ZDnk7btz
— Club Cisne Balonmano (@ClubCisneBalonm) June 5, 2020
Alejandro Conde únese así a unha lista na que xa figuraban Álvaro Preciado, Pablo Gayoso, Dani López, Jose Leiras, Iván Calvo e o gardameta Jorge Villamarín.