O piragüista Alexandre Míguez Cores, do Club Piragüismo Vilaboa, proclamouse campión de España na modalidade K1 júnior de piragüismo de maratón.
A vitoria tivo lugar este fin de semana durante o Campionato de España de Maratón de Verán, celebrado en Pontesampaio.
Con só 17 anos, esta importante vitoria asegura a Míguez Cores a súa participación no Campionato do Mundo de Maratón de Piragüismo, que se disputará en Győr (Hungría).
O novo padeeiro competirá tanto na distancia curta como na longa.
Desde o club sinalan que o éxito de Alexandre "non é casualidade. Leva practicando este deporte desde o sete anos e o seu constante traballo, disciplina e o apoio do seu club foron fundamentais para este salto á elite do piragüismo internacional".
Destacan, ademais, "o seu esforzo, traxectoria e resultados", que reflicten o traballo do deportista e do equipo técnico..
Ademais do seu brillante resultado, o resto dos padeeiros do Club Piragüismo Vilaboa tamén asinaron unha excelente actuación no Campionato de España de Maratón, deixando moi boas sensacións e confirmando o bo momento que atravesa a entidade tanto a nivel autonómico como estatal.