A pasada fin de semana celebrouse en Cieza (Murcia) o XIII Campionato de España de Kobudo Goshing con grandes noticias para o deporte pontevedrés.
E é que a cita, que reuniu aos mellores especialistas do país, contou cun representante lerezano entre os grandes destacados da xornada.
En concreto foi Álvaro Sánchez quen se alzou coa medalla de prata na categoría Xuvenil Mixto Bo tras asinar unha memorable actuación que reafirma o seu crecemento no ámbito nacional desta disciplina.
Ademais, convértese no primeiro deportista en lograr unha medalla para a Boa Vila nun campionato nacional de Kobudo Goshing.
Álvaro, que ademáis do Club Gimsport representou á selección galega, impúxose con solvencia por 3-0 en segunda rolda tras quedar exento da primeira eliminatoria e lograr así o pase directo á gran final.
A pesar de que caeu no combate decisivo ante unha das mellores competidoras do panorama nacional, o pontevedrés deixou unha imaxe impecable para pechar a súa participación no campionato.
Esta medalla de prata supón un gran fito para o deporte lerezano e consolida o crecemento do Kobudo galego a nivel español.
Doutra banda tamén premia anos de esforzo e dedicación de Álvaro Sánchez ademais de abrir o camiño para futuras xeracións de deportistas.
Engade Pontevedra Viva como fonte preferida de Google de balde
Mantente informado coas últimas noticias de actualidade.