O bo ambiente foi o verdadeiro vencedor da fin de semana na quinta edición do torneo Pontexadrez, organizado pola Escola Xadrez Pontevedra.
A competición ao aire libre reuniu un bo número de xogadores baixo a carpa instalada na Praza da Ferrería, escenario tamén do Xadrez na Rúa do pasado venres.
En canto aos gañadores do torneo, o vencedor en categoría absoluta fua o mestre do Club Xadrez Fontecarmoa Julio Suárez, mentres Alberto Portela gañou na categoría sub-16, Pablo Vidal na sub-14, Alfonso López na sub-12, Andrés Rodríguez en sub-10 e Martín Martínez en sub-8.
A xornada serviu ademais para recadar alimentos non perecedoiros que foron entregados ao Comedor Social de San Francisco.
Engade Pontevedra Viva como fonte preferida de Google de balde
Mantente informado coas últimas noticias de actualidade.