Primeira renovación no Club Baloncesto Arxil de cara á tempada 2015/2016, na que volverá competir na Liga Feminina 2.
O club verde confirmou o acordo para a continuidade de Ana Román, que sumará a si o seu segundo ano no equipo tras ser unha peza clave na boa tempada das de Mayte Méndez.
A noticia prodúcese xusto cando a pívot viguesa viaxa a Canadá para incorporarse este martes á disciplina da Selección de Venezuela, país do que posúe a nacionalidade.
Román foi convocada polo combinado 'vinotinto' para disputar dúas competicións internacionais durante o período estival.
O primeiro deses compromisos serán os XVII Xogos Panamericanos en Toronto, entre os días 10 e 26 de xullo, afrontando poucos días despois outra cita de vital importante, o Torneo Preolímpico que terá como sede Edmonton do 9 ao 16 de agosto.