Os penaltis han sonreido ao Arosa para seguir adiante na Copa Federación.
O conxunto arlequinado recibía este mércores na Lomba a un equipo de superior categoría, o Coruxo, nos cuartos de final da fase autonómica do torneo.
Os de Vilagarcía deixaron sensacións positivas nun duelo que non tivo goles.
Gonza apostou por un once formado por Manu Figueroa, Luis Castro, Remeseiro, Palmás, Concheiro, Rivera, Martín Diz, Samu Santos, Torrado, Tafa Kanteh e Lombao.
No descanso, ao que se chegou sen movemento no marcador, entrou Chema en portaría e despois fixérono tamén Pacheco, Iñaki, Seijo, Edgar, Álex Rey, Javi Rey, Sindo, Iván Varela, Yeray e Juan Diego.
Cambios propios en canto a número dun partido destas alturas de pretemporada, aínda que se tratase dunha competición oficial.
Os minutos seguiron caendo sen tantos até chegar ao 0-0 ao termo dos 90 minutos.
Sen prórroga todo decidiuse nos penaltis, con maior acerto do Arosa para lograr a clasificación.
En semifinais espera agora o vencedor da eliminatoria entre Noia e Boiro.