En menos dunha semana o Grupo Deportivo Supermercados Froiz afrontará dúas carreiras por etapas nas que ten depositadas grandes esperanzas.
A primeira delas, desde este sábado, será a XLIII Vuelta Ciclista a Ávila, na que o equipo pontevedrés teme as altas temperaturas que se van a atopar os corredores e tamén os tramos de empedrado que figuran na ruta.
A primeira etapa, de 137,6 quilómetros entre Ávila e Navarrevisca antóllase decisiva pola alta carga montañosa. Un día despois, o domingo, a xornada será máis chaira con 72,5 quilómetros desde El Tiemblo que terminarán cun circuíto urbano en Ávila.
Coa baixa para ambas as citas de Martín Bouzas, convocado a unha concentración de novas promesas do equipo Trek do UCI Prol Tour, o equipo do Froiz compoñerano: Sergio Míguez, Luís Mariño, Joao Matias Araujo, Pedro Merino, David González, Alejandro Lomba e Rodrigo Enríquez.
Tras Ávila, e case sen descanso, o mércores 13 de xullo arrincará a 33 Vuelta Ciclista a Zamora, con catro días de competición previstos e cinco etapas nunha das roldas máis prestixiosas do calendario elite e sub-23 nacional.