Só 11 segundos separaron do Froiz do triunfo na primeira etapa da Volta a Galicia, unha contrarreloxo por etapas celebrada en Noia.
O cadro alimenticio marcou o mellor tempo provisional ao seu paso por meta, tras completar os 14,5 quilómetros de percorrido en 17 minutos e 4 segundos, pero o último equipo en chegar a meta, o AMPO vasco, bateu o seu rexistro (16:53). Terceiro foi o Club Ciclista Rías Baixas a 18 segundos.
Seis dos sete ciclistas do Froiz entraron xuntos en meta, polo que se sitúan nunha boa posición para tentar asaltar o liderado. Ademais Sergio Míguez foi o mellor galego da xornada e Joao Araujo é o líder de métalas volantes.
O líder provisional da carreira é Álex Unzueta.
A segunda etapa, de novo con saída e chegada na localidade coruñesa de Noia, conta con 130,5 quilómetros de percorrido cunha única ascensión puntuable, o Alto do Hospital.