A Área Técnica da Real Federación Española de Balonmán confirmou a listaxe de xogadoras da Xeración 2010/2011 convocadas para as Xornadas de Tecnificación Nacional.
Estas xornadas de adestramento, ás que foron citadas 40 xogadoras, celebraranse do 14 ao 20 de xullo en Burgos.
Alí estarán dúas novas promesas do balonmán comarcal.
Trátase das cadetes Ainhoa Blanco e Paloma González, do Bueu Atlético Balonmán e o Asmubal Meaño respectivamente.
Ambas as dúas xogadoras, habituais das seleccións galegas, actúan na posición de lateral esquerdo.
Xunto a elas estará outra representante do balonmán galego, a pivote Bárbara Lagoa (Balonmán Cangas).
A concentración nacional, informa a federación, contará a cun corpo técnico formado por 16 persoas sumando delegados, directores, seleccionadores nacionais, adestradores, técnicos de porteiras, preparadoras físicas, psicólogas, técnicos de vídeo, médicos, fisioterapeutas e coordinadores.
Un staff completo co que se busca proporcionar ás xogadoras a mellor preparación posible.