Primeiro partido en casa da segunda volta do campionato para o Arosa SC.
Coincidindo co encontro do próximo domingo 26 de xaneiro (17.00 horas) na Lomba contra o Viveiro, 12º clasificado, o club arlequinado anunciou a activación da campaña de abonados de metade de tempada.
Unha iniciativa coa que esperan incrementar a asistencia ao estadio de cara ao tramo decisivo da competición, na que buscarán o ascenso de categoría.
Segundo explicou o Arosa, mantéñense os prezos reducidos de anos anteriores.
Así o carné de segunda volta constará 50 euros en Tribuna e 40 euros en Prerencia (40 e 35 euros respectivamente para persoas xubiladas). Para os menores de 30 anos o custo será de 35 euros e para os menores de 18 anos será de 15 euros.
Cos novos abonos o Arosa regalará unha bufanda do club.
Ademais, para impulsar un mellor ambiente nas bancadas, a directiva arosista decidiu agasallar unha invitación aos seus socios para o partido contra o Viveiro, un duelo que se celebrará nunha data histórica posto que coincidirá co 79 aniversario do partido inaugural disputado na Lomba.
Poderán retirarse estas invitacións nas oficinas do club até o venres, en horario de 17.00 a 21.00 horas.