O Campionato de España Absoluto de Karate e Para-Karate xa está en marcha en Pontevedra

O Campionato de España Absoluto de Karate e Para-Karate botou a andar este venres no Pavillón Municipal dos Deportes cos primeiros combates da fin de semana.

E é que máis de 600 deportistas de todo o país converten a Pontevedra no epicentro do karate nacional ao longo de tres intensas xornadas que culminarán o domingo coas finais por equipos.

Nesta primeira xornada xa se puido vivir no Municipal un gran ambiente motivado polo excelente nivel dos karatekas nas exhibicións de kata individual.

Ademais, a competición tamén conta coa especialidade de Para-Karate, unha modalidade inclusiva adaptata a persoas con discapacidade que se desenvolveu este venres nos tatamis do Municipal

Cabe destacar que este Campionato de España conta coa participación de deportistas do máis alto nivel entre os que se atopan campións de Europa e do mundo.

Para todo aquel que queira gozar en directo desta disciplina deportiva, poderá gozar este sábado dun día completo do mellor karate coas probas de kumite individual.

A competición pódese seguir a través da canle de YouTube RFEKarate e as finais en LaLiga.

Con todo, a entrada gratuíta unida ao gran clima destes días propiciaron unha gran afluencia de público que seguirá enchendo as bancadas do Pavillón Municipal durante toda a fin de semana.