O Pavillón Municipal dos Deportes xa vive a emoción da loita polos ascensos á Primeira Nacional de balonmán e á División de Honra Prata Feminina.
A competición arrincou con grandes noticias para o filial teucrista, o Teucro Asegrup, que debutou cunha vitoria autoritaria ante o Tierra de Barros estremeño (36-27).
No outro partido do sector masculino San Sebastián de los Reyes venceu a Villa de Luanco por 20-27.
Peor lle foron as cousas ao equipo feminino do club pontevedrés, o Teucro Pescamar, que cedeu na xornada inaugural ante o Siero asturiano (25-30). No outro encontro o San Sebastián de los Reyes gañou ao Tierra de Barros (30-20).
Os sectores de ascenso continúan durante toda a fin de semana cun intenso programa de competición repartido entre o Pavillón Municipal dos Deportes e o Pavillón Unversitario.