A localidade xaponesa de Yamaguchi é a próxima parada na tempada deportiva de Carla Goyanes.
A deportista pontevedresa do Club Natación Galaico foi convocada de novo polo equipo nacional de augas abertas para participar nunha concentración de preparación internacional no país nipón, sede dos próximos Xogos Olímpicos.
Trátase da súa segunda presenza na Selección Española Absoluta tras o seu recente participación na proba das Series Mundiais en Abu Dhabi.
Goyanes tentará seguir progresando nunhas xornadas de adestramento que se celebrará no Yamaguchi Kiara Expo Memorial Park do 28 de novembro ao 14 de decembro.
Xunto á pontevedresa participará na concentración outra galega, María de Valdés (CN Liceo), ademais de Paula Ruíz (CN Mairena), Jimena Pérez (CD Gredos San Diego), Alberto Martínez (CD Marina), Guillén Pujol (CN Mataró), Raúl Santiago (CN Metropole) e Pol Gil (UCAM).