Nova renovación na Sociedad Deportiva Teucro, que aos poucos vai confeccionado o plantel de cara á próxima tempada cumprindo a premisa de conservar á columna vertebral do equipo que logrou o ascenso á Liga Asobal.
Neste caso o xogador que se comprometeu a seguir defendendo as cores do club pontevedrés foi Carlos García, segundo capitán a pasada campaña e máximo goleador do equipo en liga.
O extremo de Carballo firma por dous anos máis, polo que cumprirá o próximo curso a súa sétima campaña no conxunto azul, no que será ademais o seu debut na máxima categoría.
A renovación de Carlos únese ás xa confirmadas de Edu Moledo, Iván Fernández, Ricardo Amérigo e García Pichel, ademais de ás fichaxes de José Manuel Rial e Erik Balenciaga e aos xogadores que tiñan contrato en vigor, casos de Dani Hernández e Gonzalo Carró.