deportes

Casais, de penalti, dá tres puntos vitais ao Pontevedra B

Pontevedra
25 de febreiro 2024
PontevedraViva

O equipo adestrado por Jesús Ramos tiña por diante un partido que debía gañar si ou si. E fíxoo. O Arzúa, pola súa banda, afúndese aínda máis na clasificación a 13 puntos do filial granate, que é penúltimo, e a 16 do Viveiro, antepenúltimo

Víctor Casais, no partido entre Pontevedra B e Arosa na Seca
Víctor Casais, no partido entre Pontevedra B e Arosa na Seca / Cristina Saiz

O Pontevedra B conseguiu este domingo no Manolo Barreiro tres puntos vitais na súa loita pola permanencia en Terceira Federación.

O equipo adestrado por Jesús Ramos tiña por diante un partido que debía gañar si ou si. E fíxoo. O Arzúa, pola súa banda, afúndese aínda máis na clasificación a 13 puntos do filial granate, que é penúltimo, e a 16 do Viveiro, antepenúltimo.

E aínda que o filial granate estaba practicamente obrigado a sumar de tres, custoulle sangue, suor e bágoas, e non foi ata o minuto 83, e de penalti, cando logrou adiantarse.

Víctor Casais foi o elixido para lanzar a pena máxima e non perdoou, dando así a vitoria a un Pontevedra B que se permite soñar con manterse na categoría.

Consulta a acta nesta ligazón

Máis novidades