O Centro de Alto Rendemento Sant Cugat acollerá os días 23 e 24 de febreiro a primeira proba feminina da segunda edición do Spain Masters de tenis de mesa.
A lista de participantes conta coa presenza de catro xogadoras do TM Monte Porreiro: as Sub 23 Judith Cobas e Noelia Santiago, a xuvenil Claudia Canay e a infantil Mariña García. As catro padeeiras do equipo pontevedrés compartirán competición con outras once xogadoras de clubs de toda a xeografía española.
O sorteo realizarase o xoves día 17 de febreiro ás 17 horas e o sistema de competición acollerá nesta ocasión a participación de 15 deportistas, repartidas en 3 grupos de 5 xogadoras cada un. A competición disputarase exclusivamente na modalidade individual, e ao mellor de 5 sets.
As dúas primeiras clasificadas de cada grupo e as dúas mellores terceiras disputarán un cadro final, que arrincará na rolda de cuartos de final. O resto de participantes disputarán un cadro de consolación, onde a terceira clasificada restante quedará exenta de disputar a primeira rolda.