Semana de balonmán no Pavillón Municipal dos Deportes de Pontevedra.
Aos encontros de División de Honra Prata e Primeira Nacional que deberán afrontar o Club Cisne e a SD Teucro, ambos na casa, súmase a celebración do IV Torneo Internacional Cidade de Pontevedra.
Nesta ocasión o equipo convidado ao torneo amigable é o CDC Santana portugués.
Xunto a el estarán os dous equipos da Boa Vila, para un evento que se disputará en formato de triangular o mércores día 22 de xaneiro.
O primeiro dos encontros será precisamente o derbi pontevedrés entre Cisne e Teucro (19.30 horas).
Despois será a quenda do partido entre Teucro e CDC Santana (20.45 horas) e por último o Cisne-CDC Santana (21.45 horas).
A entrada ao Pavillón Municipal dos Deportes será de balde para o público.
Un torneo que servirá aos equipos da cidade para preparar a súa próxima xornada de liga, que para o Cisne depara o sábado 25 de xaneiro un duelo fronte ao EON Alicante (20.00 horas) e para o Teucro un encontro fronte ao BM Ribeiro (17.00 horas).