Pontevedra empeza estes días a recibir os primeiros deportistas e delegacións que tomarán parte desde o próximo 20 de xuño nos Campionatos do Mundo Multideporte.
Un evento de impresionantes proporcións que se desmuestran en datos como os de participación que deu a coñecer a Federación Internacional (World Triathlon).
Na Boa Vila disputaranse en 10 días os mundiais de tríatlon de longa distancia, dúatlon, acuatlón, aquabike, dúatlon cros e tríatlon cros, e neles competirán finalmente, entre as probas elite e as destinadas aos grupos de idade, preto de 3.500 atletas.
Serán deportistas que representarán a 44 países diferentes.
Xunto á delegación española, os equipos máis numerosos serán os de Gran Bretaña e Estados Unidos.
Entre os competidores, un 69% serán homes e un 31% mulleres, con idades comprendidas entre os 87 e os 15 anos.
En concreto o deportista de maior idade en competir farao por partida dobre con nin máis nin menos que 87 anos e 9 meses. Trátase do australiano Lachlan Lewis, inscrito para as probas de dúatlon e acuatlón. Un ano menos, nacida en 1938, ten a deportista feminina de maior idade, a estadounidense Luise Easton, inscrita para o dúatlon.
Pola contra o atleta máis novo terá soamente 15 anos e 9 meses.
Ademais até 25 deportistas van tentar conseguir en Pontevedra o título de 'Multisport Legend', para o que deberán completar polo menos cinco das probas que compoñen os Campionatos do Mundo Multideporte.