Combate nulo pola permanencia entre Marín Futsal e Móstoles

Terá que seguir pelexando con todas as súas forzas o Marín Futsal para afastarse dos postos de descenso.

O conxunto marinense recibía este sábado na Raña un rival directo pola permanencia, un Móstoles que lle goleou na ida en liga e que lle eliminou na Copa da Raíña. Pero esta era outra historia, e os tres puntos en xogo tiñan moito valor.

Empezou ben o duelo para as locais, que tras uns instantes de tanteo adiantáronse no marcador aos 4 minutos cun gol de Patri Corral culminando a pase de Café unha rápida transición.

Non durou a alegría, e é que xusto tras o saque de centro Claudia colgaba un balón desde a súa propia cancha que sorprendía a Ana Pinto e coábase na portería.

😱 Do 0-0 ao 1-1 en 𝓶𝓮𝓷𝓸𝓼 𝓭𝓮 𝓾𝓷𝓪 𝓻𝓮𝓹𝓮𝓽𝓲𝓬𝓲𝓸́𝓷.

😍 marin_futsal e FSFMostoles están a dar un recital nestes primeiros minutos.#PrimeraIberdrolaFS | #MarínMóstoles pic.twitter.com/CBF2ep7Rgn

— Futsal RFEF (FutSalRFEF) January 25, 2025

Volta a empezar, cun Marín Futsal que buscaba a porta contraria para tentar achegarse ao triunfo, volvendo tomar vantaxe cun gran disparo de Carolina Bravo tres minutos despois.

Chegaría tamén o 3-1 antes do descanso, cun tanto de Marga dos Santos xusto despois de desperdiciar un dobre penalti.

Restaban 20 minutos pero o duelo estaba onde querían as marinenses, achegando tres puntos moi importantes na súa loita pola permanencia.

Con todo reaccionou o Móstoles tras o paso por vestiarios, e en apenas dous minutos Inma e Nere Moldes devolvían a igualada colocando o 3-3.

Aínda había moito tempo por diante, e aínda que ambos os dous equipos tentaron lograr o gol que desnivelase a balanza, o marcador xa non se movería até o final.

Unha repartición de puntos que deixa, polo menos, o Marín Futsal con 15 puntos fóra da zona de descenso, que marca precisamente o seu rival este sábado na Raña cun punto menos.

Consulta aquí a acta do partido de liga entre Marín Futsal e FSF Móstoles.