Organizador e alma máter do Campus Baloncesto Pontevedra, ademais de preparador físico do Real Betis Enerxía Plus nas tres últimas tempadas, Cuco Rodríguez deixa o club sevillano para integrarse no corpo técnico do Peixe Galego.
Experiencia ACB para o equipo marinense que adestra Javi Llorente, pero tamén un preparador físico cunha longa traxectoria ás súas costas, que lle levou a pasar por equipos de LEB Oro como Menorca Basquet (ao que tamén adestrou en ACB) ou Beiramar Rosalía, o Arxil pontevedrés en Liga Feminina 2 ou a selección española sub15 e sub 16.
O adestrador vigués retorna á súa terra coa intención de axudar a un Peixe Galego que segue completando o seu plantel de xogadores e técnicos para unha tempada na LEB Prata que se presume moi esixente.