Novo paso na meteórica carreira de Daniela Suárez na natación artística.
A xoven nadadora pontevedresa, medallistainternacional en categorías inferiores, acaba de ser convocada por primeira vez pola Selección Española Absoluta.
Daniela é unha das promesas ás que darán a alternativa na terceira proba da Copa do Mundo, que se celebrará no Markham Pam Am Cemtre, en Canadá, do 31 de maio ao 2 de xuño. Unha cita pensada para gañar experiencia internacional mentres algunhas das principais deportistas españolas desta modalidade deportiva preparan a súa presenza en loa Xogos de París.
Supón todo un fito, e é que se converte desta maneira na primeira nadadora galega convocada polo equipo nacional absoluto.
Previamente á Copa do Mundo, Daniela Suárez deberá concentrarse do 23 ao 29 de maio no CAR de San Cugat do Vallés.