O Campionato de España Junior de Atletismo en Pista Cuberta serviu de guinda á boa tempada baixo teito de Darío Costas.
O atleta da Gimnástica colgouse a medalla de bronce en Sabadell na proba de Héptatlon, na que ademais mellorou a súa mellor marca persoal e record galego deixándoo en 5.137 puntos.
Darío quedou a só 32 puntos da medalla de prata evidenciando a gran progresión dos últimos meses.
Tamén competiron en Sabadell Adrián Lago e Jorge Puig. O primeiro meteuse na final dos 1.500 metros, pero acabou en sexto lugar tras ser superado nos metros finais despois dunha carreira moi táctica.
Pola súa banda Jorge Puig correu a final dos 3.000 metros, pero unha lesión impediulle render ao seu mellor nivel e terminou optando pola retirada.