O máximo medallista olímpico na historia do deporte español e abandeirado en Beijing 2008, o piragüista pontevedrés David Cal, pensa na súa retirada da competición.
A decisión estaría tomada, segundo adiantou este mércores Begoña Fleitas no Diario Marca, por falta de motivación renunciando así a participar nos Xogos Olímpicos de Río 2016, onde aspiraba á súa sexta medalla tras o ouro e as catro platas acumuladas en Atenas, Beijing e Londres.
Cal, que abandonara Pontevedra para prepararse en Brasil xunto ao seu adestrador de toda a vida e agora técnico do equipo do país sudamericano, Suso Morlán, necesitaría obter a súa clasificación olímpica no Mundial de Milándo presente ano, pero as sensacións na súa preparación non estaban a ser as de anteriores ocasións.
De feito, o padexeiro do Club de Mar Ría de Aldán foi superado por André Oliveira na súa última competición, o selectivo nacional para o próximo Europeo celebrado en febreiro en Verducido, aínda que a súa intención non era participar na cita continental.
David Cal tería comunicado a súa decisión de retirarse ao Comité Olímpico Español, organismo que a través da rede social Twitter confirmou a nova e mostrou o seu agradecemento ao deportista.
El MÁXIMO MEDALLISTA OLÍMPICO ESPAÿOL se retira. Sólo una palabra para nuestro campeón @DavidCal1: ¡GRACIAS! pic.twitter.com/Coa1bygx6u
⿿ COE (@COE_es) March 25, 2015