Segue o rosario de baixas no Pontevedra. Tralo anuncio oficial por parte do club na tarde do venres das baixas de Richi, Santi Domínguez, Paco, Javi Otero, Pablo Lede e Miguel Vázquez, únese agora a de David Pérez, segundo un comunicado emitido pola entidade granate ao mediodía do sábado.
Aínda que a non renovación de David Pérez era previsible, tralos acordos adoptados a principios de semana pola comisión deportiva, no propio consello de administración había discrepancias sobre a posibilidade de renovar o contrato cun dos xogadores máis utilizados polo técnico na campaña anterior, aínda que finalmente optouse por dar por finalizada a súa relación co club granate.
O capítulo de baixas moi posiblemente siga ampliándose o luns, tralas conversacións que o club ten pendentes de manter con Caco, Benja e Moreira.