Por terceiro ano consecutivo a Asociación Española contra o Cancro (AECC) pon en marcha a iniciativa Brazaletes de Esperanza, con motivo do Día Mundial Contra o Cancro que se celebra cada 4 de febreiro.
Unha campaña á que se sumou con forza o deporte pontevedrés.
Brazaletes da Esperanza busca sensibilizar á sociedade a través do deporte visibilizando as persoas que padecen cancro, as súas familias e a quen as coidan.
Por todo iso os clubs que se sumaron á iniciativa saltarán ao campo ou pista de xogo nas dúas próximas xornadas (31 xaneiro-1 febreiro e 7-8 de febreiro) cun brazalete de cor verde, a cor da AECC pero tamén da esperanza.
Entre as entidades deportivas que confirmaron a súa participación están algiunos dos principais clubs da cidade e a comarca, como o Pontevedra Club de Fútbol, Club Cisne Balonmán, SD Teucro, Poio Pescamar, Marín Futsal ou Marín Peixe Galego.
Tamén SD Campañó, CD Campolameiro, CD Ribadumia, Caroi Veteranos, Atlético Villalonga Femenino, Club Juventud Cambados, CD Grove , Amanecer CF, Caldas CF, DF Portas, CD La Peña, SD Santomé, Tenorio FS, CAB Pontevedra, CB Estudiantes Pontevedra, Baloncesto Gremlins Cuntis, Xuven Cambados, CB Vilagarcía, CB O Meco, Bueu Atlético Balonmán, Balonmán Arousa, Bm Rasoeiro, Club Deportivo SEI San Narciso, Club Voleibol Pontevedra, Club Voleibol XAV Cambados, Os Ingleses Rugby Club, Pontevedra Rugby Club, Mareantes Rugby Club, School Pádel Pontevedra e Vilagarcía SD.
Ademais a Asociación de Antigos Alumnos dos Colexios da Garda Civil formará parte na súa I Carreira Solidaria Polilla Ana Vicente.
Trátase dunha proba a beneficio da Asociación Española Contra o Cancro o próximo 7 de febreiro en Meis, e onde repartirán brazaletes de esperanza entre os participantes.