Só perdera unha vez no Rosal, pero este domingo a historia volveu a repetirse para o Cisne, e da peor maneira: caendo pola mínima e no último instante no derbi fronte ao Atlético Novás.
E iso que os brancos comezaron mandando no marcador cun parcial de 0-2, pero enseguida o equipo local axustou o ataque para devolver as táboas. A igualdade mantívose até o minuto 10 e foi entón cando o Novás volteó o resultado e empezou a mandar no marcador.
O Cisne mantívose na pelexa igualando por momentos, pero eran os dO Rosal os que levaban a dianteira e encargábanse de romper o empate para poner o 11-8 aos 20 minutos de xogo.
Buscaron a reacción os brancos na recta final do primeiro tempo e apertaron os dentes en defensa, conseguindo apertar o resultado e pór o 15-14 co que se alcanzou o descanso.
Despois do paso polos vestiarios o guion cambiou. Ahmed puxo o 16-14 nada máis regresar á cancha, as dianas de Víctor Fernández, Mateo Arias e Furtado, puxeron a vantaxe no marcador para o seu equipo 16-18).
Aínda quedaba moito partido por diante e os brancos volvéronse a atopar con problemas ao precipitarse e perdía, por momentos, a dianteira no marcador. De feito é que o duelo non tiña un claro dominador. Ás veces mandaban uns e outras os outros, quedando patente a igualdade e a necesidade de puntuar dos dous equipos.
Era o Cisne, con todo, o que chegaba aos últimos 7 minutos cunha suculenta vantaxe de tres goles (27-30). Optou o Novás entón por unha defensa adiantada para roubar o máis rápido posible, e provocaron a precipitación dos visitantes, que quedaban cun xogador menos pola exclusión Xoán Fernández tras estrelar o balón na cara do gardameta rival.
A partir de entón, o partido rompeu. Os locais, impulsados pola súa bancada e polas actuacións do seu porteiro asinaron un parcial de 4-0 que daba a volta ao marcador (31-30).
Quiños parou o cronómetro, Mateo Arias empatou, Ahmed devolveu a vantaxe para o seu equipo e Furtado igualou a falta dun minuto para a conclusión (32-32). A posesión e o último ataque foi para o Novás, Franzini detivo o lanzamento de Germán Hermida e a ofensiva cambiou de bando. Tíñao todo o Cisne para buscar o gol do triunfo, pero Roi despistouse na saída de balón e Hermida rouboulle o esférico, combinou con Alejandro Dourado e anotou o 33-32 que deu o triunfo ao seu equipo.
Consulta as estatísticas neste enlace